Rhwng 11 ac 14 Gorffennaf, byddaf yn beicio o amgylch ysgolion cynradd Maldwyn fel rhan o ddathliadau'r cyhoeddi, i ddatgan fod yr Eisteddfod ar y ffordd i Faldwyn, a mynd a Mr Urdd i gwrdd â'r plant.

Mae'r Urdd yn fudiad sy'n golygu llawer iawn i bobl ar hyd a lled Cymru, a minnau yn eu plith. Cefais i gyfle i gystadlu yn yr Eisteddfod yn unigol, mewn partïon gyda'r ysgol, a gydag ambell Aelwyd, a hynny wedi rhoi profiadau gwerth chweil i fi. A dwi wrth fy modd yn cael bod yn rhan o wneud y trefniadau ar gyfer rhoi cyfle i blant a phobl ifanc ddod i'r Eisteddfod yma ym Maldwyn.

Mae'n fraint i mi gael bod yn Gadeirydd Pwyllgor Gwaith Eisteddfod Maldwyn hefyd gan fod yr Urdd wedi bod yn gymaint o ran o fywydau Taid a Nain a'm rhieni, trwy Aelwyd Cwmlline, ac wrth hyfforddi a pharatoi nifer fawr o blant a phobl ifanc i gystadlu mewn Eisteddfodau.

Ein Eisteddfod ni fydd yr Eisteddfod nesaf, ond mae llawer o waith ar ôl i godi arian ar gyfer cynnal yr ŵyl. Ac os ydych chi'n teimlo y gallech chi gyfrannu, yna byddwn yn gwerthfawrogi'n fawr.

Diolch yn fawr iawn!

Between 11 and 14 July, I will be cycling around all the primary schools in Montgomeryshire announcing that the Urdd Eisteddfod is coming to the area in 2024, and taking Mr Urdd to meet the children.

The Urdd as an organisation means a lot to many people, and brings back fond memories, and I am no different. The Urdd gave me many opportunities, and I'm thrilled to be involved in the arrangements to bring the Eisteddfod to Montgomeryshire.

It's also special for me because of the involvements of my parents and grandparents with the Urdd over many years in the area.

Our Eisteddfod will now be the next Urdd Eisteddfod, but a lot of work remains to raise funds for the event. And if you feel that you are able to contribute, I would be very grateful.

Diolch yn fawr iawn!