Tour De Llŷn ac Eifionydd : 100 Millltir tuag at Steddfod 2022.

Bydd Clwb y Ceffyl Haearn yn ymgeisio i reidio 100 milltir ar daith o gwmpas Llyn ac Eifionydd er mwyn codi arian tuag at Eisteddfod Genedlaethol Cymru fydd yn cael ei chynnal yn yr ardal yn 2022.

Bydd y daith yn cychwyn o Lanystumdwy cyn croesi'r Cob ym Mhorthmadog yna troi am y gogledd drwy gwm tecaf Cwm Pennant I fyny at lethrau Mynydd Cennin. Parha y daith ar hyd ffyrdd troellog Eifionydd tuag at Lwyndyrus ac yna Llithfaen. Yna daw'r reidars ar hyd arfordir gogleddol Llŷn nes cyraedd Uwchmynydd a golwg hudolus ar Enlli dros y swnt. Ar ôl brathiad o luniaeth yn Aberdaron anela'r peleton yn ôl am y dwyrain, dros y Rhiw ac ar hŷd arfordir deheuol Llŷn, heibio Porth Neigwl ac Abersoch. Yna bydd D-tour heibio i faes y brifwyl yn Boduan, i lawr i Bwllheli cyn i'r rouleurs rowlio yr home stretch [gobeithio] yn ol am y peint melys oer hirddisgwyliedig yn y Plu.