Eg havi valt at gera ein “fundraiser” fyri Mercy UK. Mercy er ein kristiligur felagsskapur, sum hjálpir serliga ungum gentum við sálarligum avbjóðingun. Tit kunna fara inn á heimasíðuna og lesa meir, um tit ynskja nærri kunning. Orðsøkin til at eg geri hetta, er tí at eg fekk møguleikan at búgva á teirra heimi fyri gentur í 6 mðr í 2016, og kollvelti hetta mínum lívi. 
Tí ynski eg at vera við til at varpa ljós á hesar avbjóðingar, sum serliga unga ættarliðið stríðist við. Pengarnir, sum koma inn, fara óskerdir til tað fantastiska arbeiði sum Mercy ger. Eg fari at brúka næstu tíðina til at venja, við tí fyri eyga at fáa ein sunnari lívstíl.